इलाम, २८ साउन : विद्यार्थी बोकेको बस दुर्घटना हुँदा १४ विद्यार्थी घाइते भएका छन् । इलाम नगरपालिका वडा नम्वर १ मा पर्ने मेची राजमार्गमा विपरित दिशाबाट आउँदै गरेको ट्रकलाई साइड दिने क्रममा दुर्घटना हुँदा १४ विद्यार्थी घाइते भएका हुन् । स्थानीय आशादिप बोर्डिङ स्कुलको मे १ ख १९५५ नम्बरको बस दुर्घटना भएको जिल्ला प्रहरी कार्यालय इलामले जनाएको छ । बस सडकबाट करिव २० मिटर तल खसेको वताइएको छ । तीन जना विद्यार्थीको इलाम अस्पतालमा नै उपचार सम्भव हुने भएपनि अन्य ११ जना विद्यार्थीलाई थप उपचारका लागि झापा तर्फ ल्याइएको छ ।