बिराटनगर १८ असोज
साहित्यकार मञ्जुश्री गिरीद्वारा लिखित ‘लाखबत्ती’ लघुकथासंग्रह हिजो विमोचन गरिएको छ ।
नारी स्रष्टा समाज विराटनगरले आयोजना गरेको कार्यक्रममा वरिष्ठ साहित्यकार दधिराज सुवेदी, बलराम पोखरेल, कविराज न्यौपानेलगायतले विमोचन गर्नुभयो । तीन दशकभन्दा लामो समयदेखि साहित्य लेखनमा सक्रिय गिरीका यसअघि पनि विभिन्न कृति प्रकाशित भइसकेका छन् । विमोचित लघुकथासंग्रहका बारेमा समालोचक कविराज न्यौपानेले समीक्षा गर्दै संग्रहभित्रका अधिकांश कथाले वर्तमान नेपाली समाजको विकृति, विसंति, ब्यथितिलाई चिरफार गरेको बताउनुभयो । साहित्यकार भरत गुरागाईं, मीनकुमार नवोदितलगायतल संग्रहभित्रका लघुकथा प्रस्तुत गर्नुभएको थियो । स्रष्टा समाजकी अध्यक्ष ममता मृदुलको अध्यक्षतामा भएको कार्यक्रममा सचिव रोमा निरौला, कृतिकार मञ्जुगिरी गिरी, साहित्यकार लक्ष्मी पोखरेललगायतले मन्तव्य व्यक्त गर्नुभएको थियो ।