मोरङ ७ असोज
जन्मदिनको अवसर पारेर विराटनगरका दुई युवाले पुस्पलाल चौकमा सामूहिक बृक्षारोपण गरेका छन ।
तरुण दल महानगर सभापति सन्तोष न्योपाने र नेविसंघका मोरङ सदस्य राजेश खड्काले आफनो जन्म दिनको अवसर पारेर विभिन्न जातिका एक सय पचाँस थान विरुवा रोप्नु भएको हो । बुढीगंगा गाउँपालिका–१ स्थित पुस्पलाल चौकमा सुन्दर गाउँ बनाउने उदेश्यले जेष्ट नागरिक गंगाराम फूयाँल र छविलाल रेग्मीको संयुक्त हातबाट हिजो वृक्षारण गरिएको छ । होटेलमा भोज भतेर गर्नु भन्दा हरियाली गाउँ बनाउने अभियानका साथ वृक्षारोपण गरेको खड्काले बताउनुभयो ।यस्तै न्योपानेले हरियाली गाउँ बनाउने जिम्मेवारी युवाहरुको काँधमा रहेकोले यसलाई निरन्तरता दिने प्रतिवद्धता जनाउनुभयो । कार्यक्रममा स्थानीय तथा युवा विद्यार्थीहरुको सहभागिता रहेको थियो ।