मोरङ लेटाङ ४ असोज

लेटाङ ९ जाँतेमा विद्युत सर्ट भएर आगलागी हुँदा करिब ५० लाखको क्षति भएको छ ।
लेटाङ ९ जाँते पारुहाङ चौकमा रहेको नवीन राईको घरमा आगलागी हुँदा करिब ५० लाखको क्षती भएको स्थानीय राजबहादुर लिम्बुले जानकारी दिुनभयो । बिहान साढे ६ बजेतिर एक्कासी बिद्युत सर्ट हुँदा आगलागी भएको हो । आगलागीबाट घरसहित घरभित्रका सम्पूर्ण सामान जलेर पूरै नष्ट भएका लिम्बुले जानकारी दिनुभयो । स्थानियबासी, प्रहरी र दमकलको सहयोगमा घर पूर्णरुपमा जलेपछि आगो नियन्त्रणमा आए पनि सामानलाई जोगाउन नसकिएको लिम्बूले बताउनुभयो । आगलागीपछि राई परिवारको बिचल्ली भएको छ । पिडित परिवारलाई पुनस्थापना गराउन सहयोगका लागि स्थानीयले सबैसँग आग्रह गरेका छन् ।