मोरङको बेलबारी २८ भाद्र
मोरङको बेलबारीका एक युवाले आफ्नो जन्मदिनमा लाग्ने खर्च कटाएर स्थानीय विद्यालयमा अक्षयकोष स्थापना गरिदिएका छन् ।
बेलबारी नगरपालिका वडा न –२ लालभित्तीका भूपेन्द्र अधिकारीले जन्मदिनमा हुने फजुल खर्च कटाएर स्थानीय कविर माध्यमिक विद्यालयमा ५१ हजार १ सय ५१ रुपैयाँ बराबरको अक्षयकोश स्थापनाका लागि चेक हस्तान्तरण गरेका हुन । स्वास्थ्यकर्मी समेत रहेका अधिकारीले आफूलेजस्तो अरु बालबालिकाले अध्ययनकै लागि दुःख व्यहोर्नु नपरोस भनेर अक्षयकोषको स्थापनाका लागि रकम दिएको बताउनुभयो । अक्षयकोशको लागि उपलव्ध गराएरईएको चेक बुझ्दै कविर मावि बेलबारी २ का प्रधानाध्यापक दुर्गप्रसाद गौतमले प्राप्त रकमलाई कोशमा जम्मा गरिने बताउँदै उक्त रकमले विद्यार्थीलाई अध्ययनकालागि प्रेरणा मिल्ने बताउनुभयो । बेलबारी नगरपालिका वार्ड नं १ अध्यक्ष घनश्याम जन्मदिको अवसरमा विद्यालयलाई अक्षयकोशको स्थापना गरिदिनु आफैमा स्वागतयोग्य काम रहेको बताउँदै अरुले पनि यस्तो कामको अनुशरण गर्नु पर्नेमा जोड दिनुभयो ।