बिराटनगर २४ भाद्र
विश्वले कोरोना कहरको सामाना गरिरहेको बेला विराटनगर बगरगाछी–३ का युवाहरुले कोरोनाको संक्रमणबाट मृत्यु भएकाहरुको शब व्यवस्थापन र दाहासंस्कारको काम सुरु गरेका छन । समाजमै उदाहरणीय बन्दै युवाहरुले ठूलो साहस र हिम्मतका साथ सावधानी अपनाउदै संक्रमणबाट मृत्य ुभएका मानिसहरुको शब व्यवस्थापन गर्दे आएका छन । हल्लै नगरी समाजसेवा गर्ने बिशाल मुटुभएका वास्तविक समाजसेवीहरुको पनि यहाँ कमी छैन ।यस्तै कर्म गरिरहेका छन यतिबेला विराटनगर बरगाछीका युवाहरुले । प्रशासनले परिवारिक सदस्यहरुबाट समेत संक्रमितको शव ब्यवस्थापन गर्न सक्ने बाटो खोलिदिएपछि उनीहरुले आइतबार कोरोना संक्रमणबाट मृत्यु भएकी एक महिलाको विराटनगरमा दाहासंस्कार गरेका छन ।
नगर क्षेत्र भित्रै कोरोना संक्रमितहरु प्रति सामाजिक विभेद भएको देखेर त्यसलाई चिर्नपनि संक्रमणबाट मृत्युभएका मानिसहरुको शब व्यवस्थापन र दाहासंस्कारमा आफूहरु जुटेको राम नेपालले बताउनुभयो । २५ देखि ३० वर्ष उमेर समूहका युवाहरुले विगत एक महिना अघि देखि विराटनगरमा रहेका कोरोना संक्रमितहरुको घरमा सेनिटाईजरको काम गर्दै आएका थिए । त्यतिमात्र होईन खाद्यन्न अभाव भएका विपन्नहरुलाई खाद्यन्न उपलब्ध गराउने काम समेत उनीहरुले गर्दै आएका छन । यो काम सामान्य नभएपनि युवाहरुले हिम्मत गरे कुनैपनि काम गर्न सक्छन भन्ने उदारहण बनेको युवाहरुले बताएका छन ।
युवाहरुले अन्तरमनबाटै सामाजिक सेवामा सक्रिय भएको बताएका छन । कोरोना संक्रमितहरुको शब व्यवस्थापनमा धेरैलाई हार गुहार गर्नुपर्ने भएपछि आफूहरु शब व्यवस्थापन र दाहासंस्कारमा सहयोग गर्न जुटेको अभियन्ता दीपक चापागाईंले बताउनुभयो ।
सेवा मनले गर्ने हो । जुन काम बरगाछीका आधा दर्जन युवाहरुले गरिरहेका छन । कोरोना कहरमा समाजसेवामा जुटेका उनीहरु अहिले अतिथि सेवा सदनको क्वारेनटाईनमा बसेका छन् । उनीहरुको कामलाई हौसल्ला प्रदान गर्न र यसबाट प्रेरणा लिन जरुरी छ ।