सोलुखुम्बु २४ भाद्र
सोलुखुम्बुको दुधकुण्ड–८ चागेस्थानमा रहेको मन्दिरबाट दुई थान मुर्ति चोरी गर्ने एकजनालाई प्रहरीले पक्राउ गरेको छ ।
प्रहरीले सो ठाँउमा रहेको मन्दिरबाट चोरिएको मुर्तीसहित स्थानीय ३५ बर्षिय रमेश मगरलाई पक्राउ गरेको हो । सोमबार दिउसो चागेस्थानमा रहेको मन्दिरबाट सिंहको दुईवटा कलात्मक मुर्ती चोरी भएको थियो । हराएका मुर्तिको मन्दिर समितिले आफैले खोजतलास गरेपनि फेला पर्न नसकेपछि जिल्ला प्रहरी कार्यालय सोलुमा जानकारी गराएका थिए । घटनाको जानकारी पाएपछि खोजतलासमा खटिएको प्रहरी टोलीले मगरलाई छिमेकी जिल्ला ओखलढुंगाको सिद्धिचरण–११ स्थित एक होटलबाट चोरीको मुर्ती सहित पक्राउ गरेको १ नम्बर प्रदेश प्रहरी कार्यालय विराटनगरका प्रवक्ता सुमनकुमा तिम्सिनाले जानकारी दिनुभयो । पक्राउ परेकामाथि कानुनी कारबाही तथा थप अनुसन्धान भईरहेको जनाइएको छ ।
