झापा २२ भाद्र
“नारी द पावर”नामक समूह झापा दमकले आफ्नो वार्षिक उत्सवको अवसर पारेर “हाम्रो बाल आश्रम”लाई राहत सामग्री हस्तान्तरण गरेको छ ।
झापाको दमक वडा–२ स्थित “हाम्रो बाल आश्रम”मा रहेका ७ जना अनाथ बालबालिकाहरुका लागि आवश्यक पर्ने पेन्सिल, कलर पेन्सिल,कापी र खाद्यान्न सामग्री वितरण गरेको हो । अनाथ बालबालिका,वृद्ध,वृद्दा साथै अन्यायमा परेका नारीहरुलाई सहयोग गर्ने उद्देश्यले एक वर्ष अगाडि स्थापना गरिएको “नारी द पावर”नामक उक्त समूहले स्थापनाकाल देखि नै सामाजिक सेवा गर्दै आइरहेको छ । सोही समूहको बार्षिक उत्सवको अवसर पारेर दमक समूहले सम्पुर्ण सदस्यहरुबाट आर्थिक संकलन गरि सो सामग्री हस्तान्तरण गरेको उक्त सहूककी सदस्य शर्मिला दर्नालले जानकारी दिनुभयो ।