प्रधानमन्त्रीका परराष्ट्र सल्लाहकार डा. राजन भट्टराईले भारतीय नक्सामा नेपाली भूभाग समेटिएको हो भने सरकारलाई स्विकार्य नहुने बताउनु भएको छ ।
प्रधानमन्त्रीका परराष्ट्र सल्लाहकार भट्टराईले विभिन्न समाचार माध्याममा भारतीय नक्सामा नेपालको कालापानी लगायतका भूभाग समेटिएको समाचार आएको उल्लेख गर्दै त्यसमा सत्यता भए सरकारलाई स्विकार्य नहुने चेतावनी दिनु भएको हो । आज काठमाडौंमा आयोजित साक्षात्कार कार्यक्रममा बोल्दै उहाँले तर त्यसका बारेमा सरकारले अध्ययन गरिरहेको र त्यसको निष्कर्ष नआई भारतीय नक्सामा नेपाली भूभाग समेटिएको भन्न नमिल्ने उहाँको भनाई छ । सल्लाहकार भट्टराईले कालापानी, लिम्पियाधुरा र लिपुलेक नेपाली भूमि भएको ऐतिहासिक तथ्यले पुष्टि गरिसकेकाले त्यसमा सरकारले कुनै पनि हालतमा तलमाथि हुन नदिने दृढता पनि व्यक्त गर्नु भयो ।
