काठमाडौं । प्रधानमन्त्री केपी शर्मा ओली सिंगापुरबाट स्वास्थ्य उपचार गरी स्वदेश फर्कनु भएको छ ।
प्रधानमन्त्री ओली सिंगापुरबाट थाईल्याण्ड हुँदै थाई एयरवेजबाट आज मध्यान्ह काठमाडौं आईं पुग्नु भएको हो । त्यस अवसरमा उहाँलाई प्रतिनिधिसभाका समामुख कृष्णबहादुर महरा, उपप्रधानमन्त्री एवम् रक्षामन्त्री ईश्वर पोखरेल, गृहमन्त्री रामबहादुर थापा, नेकपाका नेता एवम् पूर्व सभामुख सुवाष नेम्वाङलगायतका नेताहरुले त्रिभुवन अन्तराष्ट्रिय विमानस्थलमा स्वागत गर्नु भएको थियो । गत भदौं ५ गते स्वास्थ्य उपचारका लागि सिंगापुर जानु भएका प्रधानमन्त्री ओलीले यस पटक पनि पत्रकार सम्मेलन गर्नु भएन । प्रधानमन्त्री ओलीको सिंगापुरस्थित नेशनल युनिभर्सिटी अस्पतालमा फेरिसिस प्रक्रियामार्फत उपचार गरिएको थियो । सिंगापुरमा रहँदा उहाँले भिडियो कन्फरेन्समार्फत मन्त्रीहरुसँग छलफल गरेर सरकारका काम कार्वाहीबारे जानकारी समेत लिनु भएको थियो ।
