विराटनगर । प्याब्सन विराटनगर समितिको आयोजनामा आज खुल्ला वक्तृत्वकला प्रतियोगिता सम्पन्न भएको छ ।
महानगरस्तरीय प्रतियोगितामा सगरमाथा सेकेण्डरी बोर्डिङ स्कुलका आयुष पोखरेल प्रथम भएनका छन् । त्यस्तै ज्ञान सारथि विद्यापीठकी निमिसा बुढाथोकी द्वितीय र लर्डबुद्ध निकेतनकी कृपा सिवाकोटीले तृतीय स्थान प्राप्त गरेकी छन् । पत्रकार एवं कवि मीनकुमार नवोदित र प्राध्यापक शिव लम्सालको निर्णायक समितिले पुरस्कृत ३ जनासहित जिल्लास्तरीय प्रतियोगिताका लागि ५ जनाको नाम छनौट गरेको थियो । विराटनगर क्षेत्रका १७ वटा विद्यालयको सहभागिता रहेको प्रतियोगिताबाट पोलस्टर बोर्डिङकी ईशा पोखरेल र मोर्डन एराका विश्वमणि पोखरेल जिल्लास्तरीय प्रतियोगितामा सहभागिताका लागि छनौट भएका छन् । विजयी विद्यार्थीहरुलाई कार्यक्रमका प्रमुख अतिथिसमेत रहेका मोरङ प्याब्सनका सचिव प्रेमलालसिंह सुवाल, सहसचिव विष्णु डंगोल, प्याब्सन विराटनगरका अध्यक्ष इन्द्र राईलगायतले पुरस्कार र प्रमाणपत्र प्रदान गर्नुभएको थियो । विद्यार्थीभित्र रहेको प्रतिभालाई प्रस्फुटन गराउने उद्देश्यका साथ वक्तृत्वकला प्रतियोगिता आयोजना गरेको प्याब्सन विराटनगरका सचिव अर्जुन श्रेष्ठले जानकारी दिनुभयो । जिल्लास्तरीय प्रतियोगिता भने भदौ ५ गते मोरङको पथरीमा आयोजना गरिनेछ ।
