मोरङ । मोरङको धनपालथान गाऊपालिका वडा नं. ३ मायागञ्ज नाकाबाट लागुऔषध सेतो हेरोइन सहित एक भारतीय नागरिक पक्राउ परेका छन् ।
पक्राउ पर्नेमा भारत अररियाका ३६ वर्षिय सन्तोस मण्डल रहेको इलाका प्रहरी कार्यालय रंगेलीका प्रहरी निरिक्षक कविन्द्र कार्कीले बताउनुभयो । गएराती साढे ८ बजेको समयमा मण्डललाई १ नं.प्रदेश प्रहरी कार्यालय व्युरो र इलाका प्रहरी कार्यालय रंगेलीको टोलीले विषेश सुचनाको आधारमा पक्राउ गरेको हो । धनपालथान ३ बेतौना जन्ती लिन आएको अवस्थामा प्रहरीले मण्डलको भारतीय बलेरो गाडीको खानतलाशी गर्दा सिटको पकेटमा लुकाई राखेको अवस्थामा १सय ६६ ग्राम सेतो हिरोइन फेला परेको प्रहरी निरिक्षक कार्कीले जानकारी दिनुभयो । बरामद भएको सेतो हिरोइनको पाकेटमा डबल टाइगर ब्राण्ड मेड इन थाइल्याण्ड उल्लेख रहेकोे छ ।
