काठमाडौं, २५ पुष । राष्ट्रियसभाका अध्यक्ष गणेश तिमिल्सिनाले सांसहरुले बैठकमा उठाएका विषयबारे जवाफ दिन सरकारलाई रुलिङ गर्नुभएको छ ।
आजको बैठकमा सुन्य र विशेष समयमा सांसदहरुले बोल्ने क्रम सकिएपछि अध्यक्ष तिमिल्सिनाले बैठकको सुन्य र विशेष समयमा सांसदहरुले उठाएका प्रश्नको जवाफ दिन सरकारलाई रुलिङ गर्नुभएको हो । यसैबीच आजको बैठकले प्रदेश लोकसेवा आयोग (आधार र मापदण्ड) विधेयक २०७५लाई विचार गरियोस् भन्ने प्रस्तावलाई सर्वसम्मतिले स्वीकृत गरेको छ । प्रधानमन्त्रीको तर्फबाट कानुन न्याय तथा संसदीय मामिला मन्त्री भानुभक्त ढकालले सो विधेयक पेश गर्नुभएको थियो ।
राष्ट्रियसभाको अर्को बैठक माघ २ गते १ बजेका लागि बोलाईएको छ ।
