ललितपुर, ७ पुष । सहिद स्मारक ए डिभिजन लिग फुटबल अन्तर्गत रुस्लान थ्री स्टार क्लब र भ्याली च्यासल युवा क्लबको खेल गोलरहित बराबरीमा टुंगिएको छ ।
यस बराबरीसँगै थ्री स्टारको उपाधि जित्ने सम्भावना लगभग सकिएको छ । थ्री स्टारले लिगका १० खेलमा ७ जित, २ बराबरी र १ हारसँगै २३ अंक जोडेको छ । थ्री स्टार मनाङभन्दा ४ अंकले पछाडी छ र मनाङले एक खेल कम खेलेको छ । यता च्यासलले भने १० खेलमा ४ जित र २ बराबरीसँगै १४ अंक जोडेको छ ।
