ललितपुर, २७ मंसिर । पल्सर सहिद स्मारक ए डिभिजन लिगमा आज सरस्वती युथ क्लबले न्यूरोड टिम (एनआरटी) लाई १–० ले हराएको छ ।
लिगमा सरस्वतीको तेस्रो जित हो । एनआरटी भने लगातार सातौं हार बेहोर्न बाध्य भएको छ । पहिलो खेलमा बराबरी गरेको एनआरटीले भने त्यसयताका सात खेलमा लगातार हार बेहारेको छ । सातदोबाटोस्थित एन्फा कम्प्लेक्समा भएको खेलमा भिक्टोर एमओबीको गोलमा सरस्वीतले जित हासिल गरेको हो । उनले ७१ औं मिनेटमा पेनाल्टीमा गोल गरेका थिए । सरस्वतीका डिफेन्डर राज शाही म्यान अफ दि म्याच चुनिए । सरस्वतीले ८ खेलबाट ९ अंक जोडेको सरस्वती नवौं स्थानमा छ । १ अंक मात्र जोड्न सकेको एनआरटी अंक तालिकाको पुछारमा छ ।
