विराटनगर, २१ मंसिर । पब्लिक फोरमको अध्यक्षमा पुनः उत्तम ढुंगेल निर्विरोध निर्वाचित हुनुभएको छ ।

फोरमको दशौ बार्षिक साधारणसभाबाट अध्यक्षमा ढुंगेल निर्विरोध निर्वाचित हुनुभएको हो । आज भएको भएको भेलाले ११ सदस्यीय नयां केन्द्रिय कार्य समिति पनि गठन गरेको छ । नयाँ समितिको उपाध्यक्षमा अमलेश कर्ण, सचिवमा लवकुमार ताम्राकार र सहसचिव सुनिता देवकोटा निर्विरोध निर्वाचित हुनुभयो । त्यस्तै कोषाध्यक्ष चुडादेवी ठकुरी, सदस्यहरुमा दुर्गा सुवदी, मनोजकुमार मिश्र, मुना बोहरा, अप्सरा न्यौपाने खनाल, केदारनाथ ढकाल, बासुदेव नेपाल चयन भएका छन् । दशौं बार्षिक साधारणसभामा प्रदेश १ का सामाजिक बिकासमन्त्री जीवन घिमिरे, प्रदेश सभा सदस्य साबित्रा रेग्मीलगायतको उपस्थिति रहेको थियो ।