मोरङको बेलबारीमा रहेको वागदेवि सामुदायिक वनले विविध कार्यक्रमका साथ आफ्नो १० औं वार्षिक साधारणसभा सम्पन्न गरेको छ । साधारणसभाको उद्घाटन समारोहमा बेलबारी नगरपालिकाका प्रमुख ज्ञानेन्द्र सुवेदीले वागदेवि सामुदायिक वनले चालेका योजनामध्ये बासुकी रिचार्ज पोण्डको परियोजना महत्वपूर्ण रहेको बताउदै त्यस्ता योजनामा नगरपालिका सधैँ साथमा रहेको वताउनुभयो । साथै उहाँले सामुदायिक वनलाई सामाजिक तथा पूर्वाधारका क्षेत्रमा नगरपालिकासँग मिलेर काम गर्न आग्रह पनि गर्नुभयो । सामुदायिक वन उपभोक्ता महासंघ जिल्ला अध्यक्ष एवम १ नं प्रदेशका सचिव अग्नि पौडेलले सामुदायिक वनले अब उद्यममूखी भएर अघि वढ्नु पर्नेमा जोड दिनुभयो । साधारणसभामा पूर्व अध्यक्षहरु , विपन्न तथा जेहेन्दार छात्रवृति, डढेल्लो नियन्त्रणमा महत्वपूर्ण भूमिका निभाउने विभिन्न महानुभावहरुलाई सम्मान गरिएको थियो । कार्यक्रममा सचिव भिमा मगरले संस्थाको वार्षिक प्रगति प्रतिवेदन प्रस्तुत गर्नुभएको थियो ।