मंसिर, १ । सहिद स्मारक ए डिभिजन लिग अन्तर्गत आजको पहिलो खेलमा मनाङ मस्र्याङ्दीले न्यू रोड टिम (एनआरटी) लाई २–० ले पराजित गरेको छ ।
खेलको सुरुवातमै मनाङले प्रकाश बुढाथोकीलाई चोटका कारण गुमाएको थियो । मनाङले १७ औं मिनेटमा अग्रता लिएको थियो । पेनाल्टी क्षेत्रमा अन्जन विष्टलाई मसुदले लडाएपछि मनाङले पेनाल्टी पाएको थियो । अन्जन आफैंले पेनाल्टीमा गोल गर्दै अग्रता दिलाएका थिए । पहिलो हाफमा ५ मिनेट बाँकी रहँदा ओलावाले आफिजले अग्रता दोब्बर पारेका थिए । दोस्रो हाफमा पनि मनाङले आक्रमक खेल खेलेको थियो भने एनआरटी रक्षात्मक रहेको थियो । लगातार दोस्रो जितसँगै मनाङ अंक तालिकाको शीर्ष स्थानमा छ । एनआरटी भने १ अंकसहित मध्य तालिकामा छ ।
