विराटनगर, ८ भदौ । नेकपा एमालेका अध्यक्ष केपी शर्मा ओलीले कोशी प्रदेशमा एमालेको सरकार बन्ने दाबी गर्नुभएको छ ।
आज बिराटनगर विमानस्थलमा सञ्चारकर्मीहरुसँग कुरा गर्दै ओलीले कोशीमा एमालेको सरकार बन्ने र मज्जाले चल्ने दाबी गर्नुभएको हो । सत्ता गठबन्धनको अलोकतान्त्रिक र असंवैधानिक क्रियाकलापका कारण कोशीमा अस्थिरता भएको ओलीले बताउनुभयो । सत्ता पक्षले नबनेको सरकार बन्यो भन्ने, सभामुखलाई राजीनामा गर्न लगाउने जस्ता काम गरेको उहाँको भनाई छ । माओवादी त संविधान नमान्ने भनेर युद्ध गरेको पार्टी हो उसको धेरै कुरा नगरौं तर, कांग्रेस जस्तो पुरानो पार्टीले एक छिनका लागि बलजफ्ती गर्नु संविधान नमान्नु त उचित हैन नि ओलीले भन्नुभयो ।
