काठमाडौं, १९ साउन । नेपाली राष्ट्रिय क्रिकेट टिमका पूर्वकप्तान ज्ञानेन्द्र मल्लले अन्तर्राष्ट्रिय क्रिकेटबाट सन्यास लिएका छन् ।
आज काठमाडौंमा पत्रकार सम्मेलन गर्दै मल्लले सन्यासको घोषणा गरेका हुन् । अन्तर्राष्ट्रिय क्रिकेटबाट पूर्णविराम लगाउँदै एउटा फरक यात्राको आरम्भ गर्ने समेत बताए । उनले यही समय सन्यासको लागि उपयुक्त लागेको भन्दै टिममा योगदान दिन नसक्नेहरु बसिरहनु अर्थ नहुने बताए ।
पारस खड्काले नेपाली राष्ट्रिय टिमको नेतृत्व त्यागेपछि ज्ञानेन्द्र कप्तान बनेका थिए । २०७६ सालमा उनी राष्ट्रिय टिमको कप्तान बनेका थिए ।
