विराटनगर, २३ असार । विराटनगर महानगरपालिका वडा नम्बर १९ ले वडा भित्रका अपांगता भएकाहरुलाई सहयोगी सामाग्री वितरण गरेको छ । वडामा बसोवास गर्ने अपाङता भएका ब्यक्तिहरुलाई आवश्यक्ता अनुसार ट्राइ साइकल, ह्वील चेयर, लुगा सिउने मेसिन, बेडपेन, इन्डक्सन चुलो, कमोड चियर लगायतका सामाग्री सहयोग गरिएको वडाध्यक्ष श्याम घिमिरेले बताउनुभयो । अपाङ्गता भएकाहरुको जीवनयापन सहज बनाउन सहयोग गरिएको उहाँको भनाइ छ । एक कार्यक्रमका बीच ३० जनालाई इन्डक्सन चुलो, १९ नम्बर वडाले २ जनालाई ट्राइसइकल, तीन जनालाई ह्वील चेयर, ३ जनालाई कमोड चेयर, १ जनालाई सिलाई मेसिन र एक जनालाई लुगा सिउने मेसिन वितरण गरिएको उहाँले बताउनुभयो । वडाध्यक्ष घिमिरेले आगामी दिनमा पनि वडाको तर्फबाट यस खालको सहयोग जारी रहने प्रतिवद्धता व्यक्त गर्नु भयो । लक्षित वर्गका लागि वडाले विभिन्न कार्यक्रमहरु गर्दै आएको उहाँको भनाइ थियो ।