विराटनगर २५ कात्तिक
विराटनगरको भित्रि बाटो हुँदै नेपाल–भारत वारपार हुने क्रम नियन्त्रण हुन सकेको छैन । सीमा सिल गरिएको अवस्थामा समेत अवैधानिक बाटोबाट दैनिक सयौं मानिसहरु वारपार गरिरहेका छन । विराटनगर महानगरपालिका वडानम्बर १७ इश्लामपुरको नेपाल भारत सिमाक्षेत्रमा नेपाल प्रहरी तथा सशस्त्र प्रहरीको पर्याप्त उपस्थिति छ । सुरक्षाकर्मीको बाक्लै उपस्थिति भएपनि दैनिक सयौंको संख्यामा मानिसहरु सोहि बाटो हुँदै भारततर्फ आउजाउ गरिरहेका छन । वारपार गर्नेहरुलाई सुरक्षाकर्मीहरुले सामान्य सोधपुछ गर्दै आउजाउ गर्न दिइरहेका छन । हुनत यसअघि पनि सो बिषयका समाचारहरु प्रकासन,प्रशासरण नभएका होइनन तर प्रहरीले प्रशासनले एकदुई दिन कडिकडाई गर्ने र त्यसपछिका अवस्था भने ज्यूंका त्यूं छ । पैसाको लेनदेन गरेर आउजाउ गर्न दिइराखिएको स्थानीय दाबी गर्छन । सहजै वारपार गर्न पाउने भएपछि नेपालतर्फबाट दैनिक सयौं सर्वसाधारण तथा ब्यापारी मालसामान खरीद गर्न जोगबनी बजार पुग्छन र निर्धक्क भएर बेलुका घर फर्कन्छन । हुल बनाई जोगबनी पुगेका बिराटनगरका महिला ब्यापारीहरुको यो समूह निर्धक्क साथ उताबाट सामान खरीदगरि विराटनगरतर्फ फर्किदै गरेको दृष्य समेत हामीले खिच्न भ्यायौं । इश्लामपुरहुँदै विराटनगरको मुख्य सिमानाका सम्म आईपुगुञ्जेल हामीले ती महिलाको समूहलाई नियालेका थियौं । रानी भन्सारक्षेत्र आईपुगेपछि हामीले समूहका एकजना महिलालाई पारी गएर कसरी आइपुग्नुभयो भनेर प्रश्न राखेका थियौं । नेपाली मात्र नभई सो बाटोबाट भारतीयहरु समेत दैनिक आउने गरेका छन । त्यसक्षेत्रमा पुगेको मकालु टेलिभिजनको क्यामरा देखेपछि सर्तक भएको प्रहरीले विराटनगरतर्फ आउन लागेका ५ जना भारतीयलाई केहिबेर रोकेर केरकार गरी फेरिपनि जोगबनी तर्फ नै फर्काएको थियो । यसअघि प्रहरीले असोज २५ मा ६ जना भारतिय सहित ४४ जनालाई पक्राउ गरी सम्बन्धित पालिकाको क्वारेण्टाइनमा पठाएको थियो । पक्राउ पर्नेहरुमा विराटनगर महानगरपालिका र बुढीगंगा गाँउपालिकाका स्थानीय रहेका थिए । प्रहरीले आफ्नो जिम्मेवारी र कर्तब्य ईमान्दारीपुर्वक निर्वाह गरिरहेको जिल्ला प्रहरीका प्रवक्ता मानबहादुर राईले दाबी गर्नुभयो । ईश्लामपुरको यो नाका हुँदै बेलुका ११ बजेदेखि ३ बजेसम्म तस्करी समेत हुने गरेको स्थानीयले बताएका छन । पारीबाट ठेलामा आउने सामान रातभरि टेम्पुहरुबाट बिराटनगर बजार भित्र्याउने गरिएको उनिहरुको भनाई छ । यद्यपि त्यस बिषयमा स्थानिय क्यामरामा बोल्न डराउँछन । विराटनगरको रानी भन्सार क्षेत्र सुनसान रहँदा इश्लापुरमा लागेको टेम्पु तथा सिटि चालकहरुको भीडले नै यहाँको अवस्था वर्णन गर्छ ।