सुनसरी २६ असोज

कोरोनाको कहरका बीच सूचारु भएका सरकारी कार्यालयहरुमा सेवाग्राहीको भीड बढ्दै गएको छ ।
बढ्दो भिडले कोरोनाको जोखिम थप बढाएको छ । स्वास्थ्य सावधानी अपनाएर सेवा प्रवाह गर्न सरकारले दिएको निर्देशन वमोजिम कार्यालयका काम सूचारु भएपछि सेवाग्राहीको भिड बढ्न थालेको हो । जिल्ला प्रशासन कार्यालय सुनसरीमा पछिल्लो समय नागरिकता, पासपोर्ट बनाउने सेवाग्राहीको अनियन्त्रित भिड बढेको छ । लामो समयदेखि कार्यालय बन्द हुदा नागरिकता,पासपोर्ट लगायत महत्वपूणर््ा कागजात बनाउन नपाएपछि अहिले कार्यालय आउदा यस्तो भिड बढेको सेवाग्राहीहरुले बताएका छन । जिल्लामा पछिल्लो समय हरेक दिन कोरोना संक्रमितको सख्या बढ्दै गएपनि सेवाग्राही र प्रशासनले उचित सावधानी नअपनाउदा कोरोनाको जोखिम थप बढिरहेको छ । प्रशासनले सामाजिक दूरी कायम राखी सेवा लिन आग्रह गरेपनि उल्लेखीय सख्यामा रहेका सेवाग्राहीले सामाजिक दूरी र स्वास्थ्य सावधानीको चरम उल्लघन गरेको देखिएको छ । प्रशासनले अब भने सेवाप्रवाहमा सामाजिक दूरी र स्वास्थ्य सावधानी अनिवार्य गरेको जनाएको छ । आज मात्रै इटहरीमा ४८, दुहवीमा १२, इनरुवामा ७ सहित सुनसरीमा ९७ संक्रमित थपिएका छन ।