सुनसरी १७ असोज
सुनसरीको बर्जु गाउँपालिका–४ हसनपुरमा रहेको आइएमएस एग्रो कृषि फर्मले सुरु गरेको थोपा सिचाई प्रभावकारी देखिएको छ । यही थोपा सिंचाइबाट ठूलो क्षेत्रमा मेवा, कगती र सयपत्री फूलको खेती गरिरहेका छन् । व्यावसायिक खेतीमा पनि उत्पादनको गुणस्तर राम्रो बनाउनदेखि उत्पादन लागत घटाउन सिंचाइको उत्तिकै महत्वपूर्ण भूमिका हुन्छ । २५ बिघा जमिनलाई विभिन्न प्लटमा बिभाजन गर्दै १२ बिघामा कागती, ५ बिघामा स्टोबेरी खेती गरिएको छ भने १ बिघा जमिन रिसर्चका लागि छुट्याएको छ । सबैभन्दा बढी मेवा उत्पादन सुरु गरिएको आइएमएस एग्रोका प्राविधिक सुवाश चौधरी बताउँछन् । थोपा सिंचाइ प्रत्येक विरुवाको फेदमा पानीको थोपा थोपा झारेर पुर्याउने गरिन्छ । प्लाष्टिक पाइपबाट प्रत्येक विरुवाको फेदमा पानीलाई थोपाको रुपमा पठाउने गरिन्छ । पानी थोरै हुने क्षेत्रमा यो विधि प्रभावकारी बन्न सक्ने, वर्षाको पानी संकलन गरी थोपाको माध्यमबाट पनि पानी पठाउन सकिन जानकार बताउँछन् । सिंचाइको लागि पानी र मलसमेत मेसिनको प्रयोग गर्दै थोपा सिचाईबाट बिरुवालाई पुर्याइन्छ । थोरै जनशक्तिको प्रयोग गरेर यस प्रविधिबाट धेरै खेती गर्न सकिने आइएमएस एग्रो इन्चार्ज दिपेश खड्का बताउँछन् । यति प्रभावकारी मानिने यो थोपा सिँचाइ प्रविधि एक तिहाइ किसान माझ पनि पुग्न सकेको छैन । थोपा सिंचाइ प्रयोग गर्न सुरुको लागत अलि बढी भए पनि पछिको सिंचाइका लागि हुने खर्च धेरै हदसम्म न्यूनीकरण गर्न सकिन्छ । एउटै बालिमा २–३ वटा बाली लगाएर जमिन व्यवस्थापन गरेको छ भने यसको बारेमा आइएमएसका इन्जार्च दिपेश खडका बताउँछन् ।धेरै कृषक र कृषि क्षेत्रका सम्बन्धित ग्रामीण भेगका मानिसहरूमा थोपा सिंचाइ महँगो सिंचाइ प्रणाली हो भन्ने मानसिकता रहेको पाइन्छ । तर, वास्तविकतामा भने ठीक उल्टो देखिन्छ । यो प्रविधिले कृषिमा उत्पादन बढाउनुको साथै लाग्ने श्रम र समयको बचतका साथै लागत मूल्यसमेत घटाउन सकिन्छ ।
