महिला अनुयायीमाथि बलात्कारको आरोप लागेका सिद्धबाबा भनिने कृष्णबहादुर गिरी अस्पतालबाट डिस्चार्ज भएका छन् ।

विराट नर्सिङहोममा एक महिना ६ दिन बसेका सिद्धबाबा आज डिस्चार्ज भएका हुन् । महिला अनुयायीले करणीको उजुरी गरेपछि सिद्धबाबा गत १४ मंसिरमा विराट नर्सिङहोममा भर्ना भएका थिए । प्रहरीले गिरीलाई १६ मंसिरमा विराट नर्सिङहोमको आइसियूबाट पक्राउ गरेको थियो । प्रहरी हिरासतको अवधी अस्पतालमै गुजारेका गिरीलाई गत सोमबार जिल्ला अदालत सुनसरीले तीन लाख धरौटीमा छाड्ने आदेश दिएको थियो । आदेशपछि गिरी पुन विराट नर्सिङहोममा नै भर्ना भएका थिए । अदालतको आदेशको एकसाता पछि उनी डिस्चार्ज भएका हुन् । जाहेरीपछि गिरी १६ मंसिरमा विराट नर्सिङहोमको आइसियूबाट पक्राउ परेका थिए । प्रहरी हिरासतमा बस्नुपर्ने समयावधि गिरीले माइनर हर्ट अट्याक भएपछि अस्पतालबाट नै कटाएका थिए ।