मोरङ ३ असोज
मोरङको बेलबारीमा भएको दुर्घटनामा परी एक साइकलयात्रीको मृत्यु भएको छ।
बेलबारी नगरपालिका–१० का ५० वर्षीय शम्भु दाहालको दुर्घटनामा मृत्यु भएको हो । पश्चिमबाट पूर्वतर्फ जाँदै गरेको मोटरसाइकलले साइकललाई पूर्व–पश्चिम राजमार्गअन्तर्गत डाँगीहाटमा हिजो बिहान १० बजेतिर ठक्कर दिएको थियो । इलाका प्रहरी कार्यालय बेलबारीका प्रहरी निरीक्षक ऋषिराज ढकालका अनुसार १७ प ८५३१ नम्बरको मोटरसाइकलले ठक्कर दिँदा साइकलमा पूर्वतर्फ जाँदै गरेका दाहाल गम्भीर घाइते भएका थिए । उपचारका लागि बीपी कोइराला स्वास्थ्य विज्ञान प्रतिष्ठान धरान र्पुयाइएका दाहालकोलाई चिकित्सकले मृत घोषित गरेका थिए । प्रहरीले मोटरसाइकल चालक सुन्दरहरैंचा नगरपालिका–९ का उमेश भट्टराईलाई नियन्त्रणमा लिएर घटनाको अनुसन्धान सुरु गरिएको जनाएको छ ।