बिराटनगर २० भाद्र
विराटनगर प्राइम राउण्डटेवल १० ले विराटनगर स्थित कोभिड अस्पताल र बुढीगंगा स्थित कंकालिनी गणको आइसोलेसनलाई पीपीइ,डसना, इलेक्ट्रिक जग लगायतका सामाग्रीहरू हस्तान्तरण गरेको छ । आज जिल्ला प्रशासन कार्यालय मोरङमा आयोजित एक कार्यक्रममा विराटनगर प्राइम राउण्ड टेवल १० ले मोरङका प्रमुख जिल्ला अधिकारी कोषहरि निरौलामार्फत कोशी अस्पतालका मेडिकल सुपरिटेन्डेन्ट डा चुमनलाल दास र कन्कालिनी गणका प्रतिनिधिलाई स्वास्थ्य सामाग्री लगायतका सामानहरू हस्तान्तरण गरेको हो । कोरोना संक्रमितको उपचारमा सहयोग पुर्याउने उद्देश्यले स्वास्थ्य सामाग्रीहरू हस्तान्तरण गरिएको प्राइम राउण्ड टेवल १० का अध्यक्ष विकि गोयलले जानकारी दिनुभयो । उहाँका अनुसार प्राइम राउण्ड टेवल १० ले कोशी कोभिड अस्पताललाई इलेक्ट्रिक जग ७० थान, वेड सिट ७० थान र पिपिइ २५ थान हस्तान्तरण गरेको छ । यस्तै शसस्त्र प्रहरी कंकालिनी गणलाई २० वटा डसना प्रदान गरेको छ । स्वास्थ्य सामाग्री हस्तान्तरण कार्यक्रमको संयोजन श्याम राठी, अभिजित सिंह र अमित अग्रवालले गर्नुभएको थियो । कार्यक्रममा टेबलरहरु महेश शर्मा, पवन पंकज पारेख, अविजित सिंह, निखिल बंशल लगायतको सहभागिता थियो ।
