बेलबारी मोरङ १८ असोज
बेलबारी नगरपालिकाले आफ्नो नगरक्षेत्र भित्रका सामुदायिक विद्यालयहरुमा निशूल्क रुपमा सेनेटरी प्याड वितरण गरेको छ । बेलवारी नगरपालिकाले नगरभित्रका सामुदायिक विद्यालयमा अध्ययनरत छात्राहरुको स्वास्थ्य तथा सुरक्षालाई ख्याल राख्दै १ लाख ८ हजार प्याकेट अर्थात ८ लाख ६४ हजार पिस सेनिटरी प्याड वितरण गरेको हो । नगरपालिकाले कक्षा छ देखि कक्षा १२ सम्मका छात्राहरुलाई एक वर्षभरि प्रयोग गर्न पुग्ने गरि प्याड वितरण गरेको बेलवारी शिक्षा शाखाले जनाएको छ । नगरपालिका उपमेयर ढाकाकुमारी पराजुलीको संयोजकत्वमा गठित नगरस्तरीय सेनेटरी प्याड वितरण समितिले सम्बन्धित विद्यालयका प्रधानअध्यापक, शिक्षकहरु तथा विद्यालयका फोकल पर्सनलाई भेटेर उक्त सामग्री हस्तान्तरण गरेको हो । यस अभियानले विद्यार्थीहरुलाई उत्साहित बनाएको नगरपालिकाले जनाएको छ ।