एजेन्सी ९ असोज
जर्मन च्याम्पियन बायर्न म्युनिखले यूईएफए सुपर कपको उपाधि जितेको छ ।
गएराति भएको खेलमा स्पेनिस क्लब सेभियालाई २–१ गोलले पराजति गर्दै बायर्नले सुपर कपको उपाधि जितेको हो । गत सिजनको च्याम्पियन्स लिग विजेता र युरोपा लिग विजेताबीच सुपर कपको रुपमा भिडन्त भएको थियो । हंगेरीको पुस्कार अरिनामा भएको खेलमा बायर्नको जितका लागि लेओन गोरेट्ज्का र जाभि मार्टिनेजले एक एक गोल गरे भने सेभियाका लुकास ओकाम्पोसले एक गोल गरेका थिए । खेलमा सुरुआती अग्रता भने सेभियाले लिएको थियो । गत सिजन बायर्नले दुई घरेलु तथा एक च्याम्पियन्स लिगको उपाधि जितेको थियो । सेभियाले भने सर्वाधिक १३ औं युरोपा लिगको उपाधि जितेको थियो ।