एजेन्सी १८ भाद्र
फ्रान्सको ए डिभिजन फुटबल क्लब पेरिस सेन्ट जर्मन (पिएसजी) का तीन जना खेलाडीलाई कोरोना भाइरसको संक्रमण पुष्टि भएको छ ।
पीएसजीका नेयमार, एन्जेल डी मारिया र लियन्द्रो परअरदेसमा कोरोना संक्रमण पुष्टि भएको हो । इबिजामा बिदा मनाएर फर्किएपछि तीन जना खेलाडीमा कोरोना संक्रमण पुष्टि भएको क्लबले जनाएको छ । आफ्ना तीन खेलाडिमा कोरोना संक्रमण भएको जानकारी गराउँदै क्लवले उनीहरूले उपयुक्त स्वास्थ्य मापदण्डको पालना गर्ने जनाएको छ । अब सबै खेलाडी, प्रशिक्षक र अन्य सबै सदस्यको पनि परीक्षण गरिने क्लवले जारी गरेको विज्ञप्तिमा उल्लेख गरिएको छ ।