काठमाण्डौ २३ कात्तिक
नेपालमा पछिल्लो २४ घण्टामा २८१७ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो २४ घण्टामा २८१७ जनामा कोरोना संक्रमण पुष्टि भएको जानकारी दिनुभयो । २४ घण्टामा १२,३११ जनाको पीसीआर परीक्षण गरिएको छ । काठमाडौं उपत्यकामा १५ सय ३३ जना कोरोना संक्रमित थपिएका छन् । काठमाडौंमा १२९४, ललितपुरमा १६२ र भक्तपुरमा ७७ जना संक्रमित थपिएका छन् ।स्वास्थ्य मन्त्रालयका अनुसार पछिल्लो २४ घण्टामा २८ सय १२ जना डिस्चार्ज भएका छन् । अहिलेसम्म डिस्चार्ज हुनेको संख्या १ लाख ५७ हजार ९२६ रहेको छ ।सक्रिय संक्रमितको संख्या ३५ हजार ४ सय १९ रहेको छ । पछिल्लो २४ घण्टामा २१ जनाको कोरोना संक्रमणबाट मृत्यु भएको छ । यससँगै नेपालमा कोरोनाबाट मृत्यु हुनेको संख्या ११ सय ८ पुगेको छ।