काठमाण्डौ १९ असोज

नेपालमा कारोना भाइरस (कोभिड—१९) संक्रमणबाट निको हुनेको संख्या बढ्दै गएको छ । हिजो पनि देशभरबाट एकहजार तीनसय २९ जना निको भएका छन् । यो संगै कोरोना संक्रमणबाट निको हुनेको संख्या ६४ हजार ६९ पुगेको छ । हिजो देशभरमा २२ सय ५३ जना नयाँ संक्रमित थपिएका छन् । १२ हजार ७ सय ८४ पीसीआर परीक्षण गर्दा आठसय ३० जना महिला र १४ सय २३ जना पुरुषमा संक्रमण देखिएको हो । अहिले सम्म नेपालमा सक्रिय संक्रमितको संख्या २२ हजार दुईसय १९ पुगेको छ । यसैबीच हिजो पाँच दिने नवजात शिशुसहित थप ७ जनाको कोरोना संक्रमणबाट मृत्यु भएको छ । स्वास्थ्य तथा जनसंख्या मन्त्रालयका अनुसार मकवानपुरमा नवजात शिशुसहित ४ महिला र ३ पुरुषको कोरोनाबाट मृत्यु भएको हो । योसँगै नेपालमा कोरोनाबाट मृत्यु हुनेको संख्या पाँचसय ३५ पुगेको छ । स्वास्थ्य तथा जनसंख्या मन्त्रालयले कारोनो संक्रमण बढीरहेकाले अनावश्यक यात्रा नगर्न आग्रह गरेको छ । मन्त्रालयका प्रवक्ता डा. जागेश्वर गौतमले दशैंकालागि अनावश्यक यात्रा नगर्न आग्रह गर्दै जहाँ जुन अवस्थामा छौँ त्यही अवस्थामा दशैं मनाउन अपिल गर्नुभयो । उहाँले स्वास्थ्य मापदण्डलाई कडाई गर्दै जरीवाना गर्नेगरी प्रस्ताव गरिएको उहाँले बताउनुभयो ।