इलाम १६ भाद्र
चियाको उचित मुल्य नपाएको भन्दै इलामका किसानहरु आन्दोलित भएका छन् ।
स्थानीय तहले तोकेको न्युनतम मुल्यसमेत नपाएको भन्दै इलामको सूर्योदय नगरपालिकाका किसानहरु आन्दोलित भएका हुन् । किसानहरुले संघर्ष समिति नै बनाएर आन्दोलन सुरु गरेका छन् । हिजो जिल्ला प्रशासन कार्यालय पुगेका उनीहरुले यसअघिका सम्झौता कार्यान्वयन गरिदिन सहायक प्रमुख जिल्ला अधिकारी मोहन न्यौपानेलाई लिखित मागपत्र पेश गरेका छन् । यसअघि सूर्योदय नगरपालिकाले चिया उद्योगी र किसानसँगको छलफल पछि गतवर्ष नै न्युनतम प्रतिकिलो ४० रुपयाँ मुल्य निर्धारण गरेको थियो । तर सो रकम घटाएर हाल २० देखी ३० रुपया मात्र उद्योगले उपलब्ध गराउने भनेकाले आफुहरु आन्दोलनमा उत्रिएको संघर्ष समितिका संयोजक सोनाम छिरिंग काजीले बताउनुभयो । अन्य किसानहरुले ल्याएको र उद्योगीको आफ्नै बगानको भएपनि हरियो चिया फिर्ता गर्नुपर्ने उनीहरुको माग छ । नभए उद्योगले प्रशोधन चर्ख कटाएर तयारी चिया नै भएपनि फिर्ता दिनु पर्ने उनीहरुले बताउदै आएका छन् ।
