भोजपुर १६ असोज

कोरोना संकटका कारण र्चैत्रबाट बन्द भएका भोजपुरका बिद्यालयहरुमा पुन पठनपाठन शुरु भएको छ । स्वास्थ्य सावधानी र सामाजिक दुरी कायम गराउँदै कोरोना संक्रमणका कारण बन्द भएका बिद्यालयहरु पुन शुरु भएको बिद्यालयहरुले जनाएका छन । भोजपुर नगरपालिका क्षेत्रका बिद्यालयहरु बिहिवारबाट सुचारु भएका छन । भोजपुर नगरपालिकाले गरेको बिद्यालयका प्रधानाध्यापक र शिक्षकहरुसँगको छलफल पछि १५ गतेबाट बिद्यालयहरु खुलाउने निर्णय भएको थियो । बिद्यालयमा पठनपाठन सुचारु गर्न बिद्यालयहरुले समेत आवश्यक तयारी गरेकाले सोही अनुसार बिद्यालय संचालन हुने बिद्योदय माध्यामिक बिद्यालय भोजपुरका शिक्षक खोमराज धमलाले बताउनु भयो । लामो समयसम्म पठनपाठन सुचारु हुन नसकेकाले नगरपालिकाले गरेको निर्णय अनुसार बिद्यालय संचालन गरिएको शिक्षक धमलाको भनाई रहेको छ । सरकारी बिद्यालयका साथै सदरमुकाम र आसपासमा रहेका निजी बिद्यालयहरु समेत संचालन आएका छन । कोरोना संकट हटी नसकेकाले बिद्यार्थीहरुलाई स्वास्थ्यका सामाग्री लगाएर सुरक्षितरुपमा पठनपाठन गराउने विषयमा निजी बिद्यालयहरु समेत सचेत रहेको ती बिद्यालयहरुले जनाएका छन । भोजपुर नगरपालिकाका साथै जिल्लाका ग्रामीण क्षेत्रमा रहेका बिद्यालयहरुमा समेत गाउँपालिकाको निर्णय अनुसार पठनपाठन शुरु गरिएका छन ।