रंगेली । स्थानीय तहको चुनावी माहोल बिच करिव २ वर्ष अघि एक वृद्धको रहस्यमय हत्या गरी फरार रहेका एक युवकलाई इलाका प्रहरी कार्यालय रंगेलीले पक्राउ गरी सार्वजनिक गरेको छ ।
प्रहरीले रंगेली नगरपालिका वार्ड नं.९ बस्ने ६४ वर्षिय पहाडचन्द राजवंशीलाई धारिलो हतियार प्रहार गरी हत्या गरेको आरोपमा स्थानीय १९ वर्षिय भरतलाल राजवंशीलाई पक्राउ गरी सार्वजनिक गरेको हो । इलाका प्रहरी कार्यालय रंगेलीका प्रहरी निरिक्षक लेखनाथ दाहालका अनुसार लामो सुक्ष्म अनुसन्धान पश्चात अभियुक्तको पहिचान हुदा सो बखत गाऊ छाडेर भारतको बुम्बईमा रहदै आएका भरतलाल लाई मंगलबार राती घर आएको गोप्य सुचनाको आधारमा पक्राउ गरिएको हो । गाऊघरमा धामी झाक्रीको काम गर्दै आएका राजवंशीको २०७४ असार ११ गते घर रहेको बनकोल तर्फ जाने क्रममा अनुहार सहित शरिरका चार स्थानमा धारिलो हतियार प्रहार गरी हत्या गरेको अवस्थामा शव फेला परेको थियो । प्रहरीले पक्राउ परेका आरोपित भरतलाल लाई कर्तव्य ज्यान मुद्दामा बुधवार म्याद थप गरी कार्वार्ही अगाडि बढाएको छ ।
