मोरङका केही स्थानीयपालिकामा भने पछिल्लो समय सहकारी सस्थाहरुले संस्थागत रुपमै आफ्ना सेयरसदस्यहरुलाई आधुनिक खेतीमा प्रोत्साहन गर्न थालेका छन् । बेलबारी १ मा रहेको बेलबारी बहुदेश्य सहकारी सस्थाले आफ्ना सेयर सदस्यहरुलाई परमपरागत खेति छाडेर ब्यासायिक तथा आधुनिक खेतिमा जोड दिन थालेको छ ।
सहकारीले संस्थाको २८ प्रतिशत र बाँकी सदस्यहरुको लगानीबाट बेलबारी नगरपालिका वार्ड नं ५ मा करिब सात विगाहाजति जमिनमा आधुनिक खेती गरिरहेको छ । विगत केही वर्षदेखि त्यहाँ कृषि मार्फत ८ वटा पोखरीमा माछा पालन गर्न भैरहेको छ । संस्थाले माछा व्यवसाय र त्यसको महत्वलाई वढी प्राथमिकता दिँदै यपपटक पनि त्यहाँ एउटा थप पोखरीको निर्माण गरिरहेको छ । केहि महिनायता संस्थाले संचालन गरेको कृषि फाममा माछका अतिरिक्त बोयर जातका बाख्रा, कुखुरा र हाँसका साथै केरा तथा अन्य फलफुलको खेती गरीरहेका छन् । आफूहरुले निर्वाहमुखि कृषिमाभन्दा व्यवसायमुखि कृषिमा जोड दिएको बेलबारी बहुमुखी सहकारी सस्थाका अध्यक्ष प्राताप थापाले बताउनुहुन्छ । राज्यले जतिसुकै कृषिको क्रान्तिका कुरा गरेपनि सो अनुसारको कार्यक्रम ल्याउन नसकेको, र कृषि कर्ममा लाग्नेलाई समेत उचित सहयोग गर्न नसकेको अध्यक्ष थापाको ठहर छ ।
सहकारीमा लगानी गर्नेमध्ये धेरैको उदेश्य भनेको तुरुन्तै नाफा लिइहाल्ने, अपेक्षाभन्दा वढि नाफा सोच्ने हुनाले ब्यासायिक कृषिमा सवै सेयर सदस्यलाई लगाउन नसकिएको सहकारीका सचिव नन्दराज गिरि बताउँछन् । साथै उनी कृषि क्रान्तिमा भूमिका निभाउने सहकारीलाई उचित सहयोग दिनुपर्ने वताउछन् । सेयर सदस्यहरुसँग साझेदारीमा लगानि गरेर आधुनिक खेतीमार्फत राम्रो आम्दानी हुन थालेपछि सेयर सदस्यहरुमा उत्साह थपिन थालेको छ । संस्थाको ५ विगाहा तथा सेयरसदस्यको दुई विगाहामा गरी जम्मा ७ विगाहामा गरिएको सहकारी संचालन गरेको कृषि फामबाट राम्रो आमदानि हुन थालेको छ । करिव ३ करोड लागतमा थालिएको कृषि फाममा दुई जनालाई जागिर पाएका छन् भने आवश्यकताअनुसार हप्तामा १० देखी १५ जनासम्मले रोजगारी समेत पाइरहेका छन् । युवाहरु विदेश तिर पलायन भइरहेको वेला गाउँमै रोजगारी दिने उद्देश्यवाट संचालित यस्ता कृषि फामहरु समाजका प्रेरणाका श्रोत हुन । यस्ता संस्था तथा तिनका संचालकहरुलाई राज्यको नीतिले समेट्नु पर्छ । अन्यथा राज्यले अख्तियार गरेको समृद्ध नेपाल र सुखी नेपालीू नारा नारामै सिमित हुन वेर लाग्दैन ।
