राउण्ड टेबल नेपालले धरानस्थित अन्नत शिक्षालय आधारभूत विद्यालय परिसरमा शौचालय निमार्ण गरिदिएको छ ।
राउण्ड टेबलले सो विद्यालयमा रङरोगन गरी विद्यालय भवनको समेत स्तरउन्नती गरिदिएको छ । विद्यालय परिसरमा आज एक कार्यक्रमको आयोजना गरी राउन्ड टेबलले नवनिर्मित शौचालय र विद्यालय भवन विद्यालय ब्यवस्थापन समितिलाई हस्तान्तरण गरेको छ । राउन्ड टेबलले राष्ट्रिय अध्यक्ष ,राष्ट्रिय बोर्ड तथा टेबलरको उपस्थितीमा शौचालय र विद्यालय भवन विद्यालय ब्यवस्थापन समितिलाई हस्तान्तरण गरेको हो । भवन भएर पनि ब्यवस्थापन र पुननिमार्णको अभावमा अस्तब्यस्त रहेको विद्यालय भवनलाई स्तरीय र आकर्षक बनाईदिएको भन्दै ब्यवस्थापन समितिले राउन्ड टेबललाई भन्यवाद दिएको छ । साथै विद्यालयलले आगामी दिनमा पनि यस्तै सहयोगको अपेक्षा राखेको छ । कार्यक्रममा राउन्ड टेबलका राष्ट्रिय अध्यक्ष सौरभ केडियाले अस्तब्यस्त रहेको विद्यालय भवन स्तरीय बनाएर हस्तान्तरण गर्न पाउदा आफूलाई खुशी लागेको बताउनु भयो । उहाँले आगामी दिनमा पनि राउन्ड टेबलले विद्यालयलाई आवश्यक सहयोग गर्ने प्रतिबद्धता जनाउनुभयो । कार्यक्रमको संयोजन राउन्ड टेबल धरान डिआटी २६ ले गरेको थियो ।
