प्रधानमन्त्री केपी शर्मा ओलीको बेलायत भ्रमणका क्रममा त्यहाँ रहेका गोरखा सैनिकले सलामी अर्पण गरेका छन् ।
प्रधानमन्त्री ओली संयुक्त राज्य बेलायतको काम्बर्ली स्थित रोयल मिलिट्री एकेडेमीमा रहेको गोरखा ब्रिगेडको मुख्यालय पुग्नु भएको थियो । १९ वर्षपछि बेलायत भ्रमणमा पुग्नु भएका नेपालका प्रधानमन्त्रीलाई गोरखा सैनिकले नेपाली राष्ट्रिय गानको धुन बजाएर स्वागत गरेका हुन । उहाँलाई ’ब्रिगेड’मा रहेका गोरखा सैनिकले गार्ड अफ अनर प्रदान गरेका हुन्। त्यसअघि प्रधानमन्त्री ओलीले समकक्षी टेरेसा मेसँग भेट गरी गोरखा सैनिक सम्बन्धी सहमति भएको त्रिपक्षीय सन्धिको पुनरावलोकनको प्रस्ताव राख्नु भएको थियो । बेलायती सेनामा गोरखा सैनिकहरूले २०३ वर्ष देखि सेवा गर्दै आएका छन् ।
