बलात्कारको आरोप लागेका जगतगुरु डा. कृष्णदासलाई पक्राउ गर्न सुनसरी जिल्ला अदालतले प्रहरीलाई अनुमति दिएको छ ।
बलात्कारको आरोप लागेका श्रीराम तारक ब्रह्म पिठ चतराका संरक्षक तथा जगतगुरुको उपाधी प्राप्त डा. कृष्णदासजी महाराज रामानन्दाचार्यलाई पक्राउ गर्न प्रहरीलाई सुनसरी जिल्ला अदालतले अनुमति दिएको हो । कृष्णदास गिरी उपर जबरजस्ती करणी मुद्दामा अनुसन्धानका लागि नियन्त्रणमा लिनुपर्र्ने कारण देखाउँदै प्रहरी पक्राउ पुर्जीको अनुमति लिन अदालत पुगेको थियो । सुनसरी प्रहरीले अदालतबाट अनुमति पाएसँगै कृष्णदासलाई अनुसन्धानका लागि पक्राउ गर्न कानुनी बाटो खुलेको बताएको छ । प्रहरीले कृष्णदासलाई पक्राउका लागि अदालतबाट आज अनुमति लिएको भए पनि त्यसअघि नै उनी पक्राउको विषय प्रहरी स्रोतलाई हवाला दिँदै बाहिरिए थियो । यद्यपी सुनसरी प्रहरीले कृष्णदास पक्राउको हल्ला भने निराधार भएको बताएको छ । सुनसरी प्रहरी प्रमुुख यज्ञबिनोद पोखरेलले कृष्णदास पक्राउ परिसकेको भन्ने विषय निराधार भएको बताउनुभयो । उहाँले अदालतबाट अनुमति पाएसँगै कृष्णदासको खोजी तिव्र पारिएको बताउनुभयो । प्रहरीले दिएको जानकारी अनुसार कृष्णदास आश्रममा भने हुनुहुन्न । उहाँको खोजिका लागि टोली परिचालन गरिएको छ । अनुयायी बलात्कारको आरोप लागेका कृष्णदास हाइप्रोफाइल व्यक्तिका रुपमा चिनिनुहुन्छ । चतरामा सम्पन्न श्रीराम तारक ब्रह्म महायज्ञको पूर्णाहुतीसँगै सिद्धबाबा कृष्णदासलाई जगतगुरु रामानन्दाचार्य पदवीबाट विभूषित गरिएको थियो । सिद्धबाबा कृष्णदासलाई महायज्ञमा उपस्थित चतुः सम्प्रदायका जगतगुरु सहितका शिर्षस्थ व्यक्तिहरुले उक्त पदवी प्रदान गरेका थिए ।
