इटहरी, १९ माघ । गत जेठमा इटहरी उपमहानगर अन्तरगत १३ खनारस्थित कार्टुन फ्याक्ट्रि अगाडी मृत अवस्थामा फेला परेका स्थानीय ३५ बर्षिय श्याम सरदारको आफ्नै श्रीमतीले हत्या गरेको तथ्य सार्वजनिक भएको छ ।
परपुरूष संग अवैध सम्बन्ध बढेपछि श्रीमानले थाहा पाउने डरले प्रेमिसंग मिलेर ३२ बर्षिया श्रीमती देवकि सरदारले श्रीमानको निर्मम हत्या गरेको तथ्य खुलेको प्रहरीले जनाएको छ । गत जेठ २ गते खनारस्थित कार्टुन फ्याक्ट्रि अगाडी सरदारको शव फेला परेको थियो । बैशाख ३१ गते बाट सम्पर्क बिहिन बनेका खनार निवासी ३५ बर्षिय सरदारको शव मोटरसाइकलले थिचेको अवस्थामा फेला परेको थियो । हत्या गरी मोटरसाइकल दुर्घटनाको नाटक गरी गुप चुप पार्ने कोशिश गरेको अनुसन्धान बाट खुलेको प्रहरीले जनाएको छ । घटनाको प्रकृति हेर्दा दुर्घटनामा परेर मृत्यु भएको जस्तो बनाएपनि अवस्था शंकास्पद देखिएपछि प्रहरीले अनुशन्धान सुरू गरेको थियो । अनुशन्धानका क्रममा प्रेमि संग मिलेर श्रीमानको हत्या गरेको देवकीले स्विकारेको इलाका प्रहरी कार्यालय इटहरीका प्रहरी प्रमुख डिएसपी शिवकुमार श्रेष्ठले बताउनुभयो ।
श्रीमती देवकिकै बयानका आधारमा प्रहरीले सरदारको हत्यामा संलग्न उनका प्रेमि तथा मुख्य योजनाकार समेत रहेका दुहबी ९का ३९ का ताहीर मिया , हत्यामा संलग्न दुहबी ९ कै मोहम्मद जाविर हुसेनलाई पक्राउ गरेको छ । यस्तै हत्यामा संलग्न भारत बिहारका ३१ बर्षिय रञ्जित महतो भने फरार रहेको र उनको खोजि कार्य भइरहेको डिएसपी श्रेष्ठले बताउनुभयो ।
