झापा । भद्रपुर ६ स्थित भद्रपुर एग्रो राईस मिलमा आज विहान आगलागी हुदाँ करिब दुई करोड बढीको क्षति भएको छ ।
व्यवसायी सन्तोष र राजेश गुप्ताले भर्खरै सञ्चालनमा ल्याएको राईस मिलमा आगलागी हुदाँ मेसिनरी सामान जलेर नष्ट हुँदा उक्त मुल्य बराबरको क्षति भएको वडा प्रहरी कार्यालय भद्रपुरले जानकारी दिएको छ । शनिवार बन्द रहेको राईस मिलमा विहान साढे ९ बजे एक्कासी आगलागी भएको थियो । उद्योग बन्द रहेकोले मानविय क्षति नभएपनि उद्योगका केहि मेसिनरी सामान पूर्ण रुपमा जलेर नष्ट भएको प्रहरीले जनाउको छ । आगलागी विद्युत चुहावट भई लागेको प्रारम्भिक अनुसंन्धानबाट खुलेको छ । राइस मिल नजिकै पराजुली ग्यास उद्योग सञ्चालनमा रहेकोले आगो नियन्त्रणका लागि प्रहरीले ठूलै जनशक्ति परिचालन गरेको थियो ।
