जनकपुर । जनकपुरमा एकजनाको गोली हानी हत्या भएको छ ।

जनकपुरधाम उपमहानगपालिका १ का अन्दाजी ४० बर्षीय मनोज साहको गोली हानी हत्या भएको हो । जनकपुरको मुजेलियामा स्थानीय पंकज चौधरीले पेस्तोलबाट प्रहार गरेको गोली लागेर साहको घटनास्थलमै मृत्यु भएको छ । साह जनकपुरस्थित शिव आयल पेट्रोल पम्पका सञ्चालक हुन । साहको शव जनकपुर अञ्चल अस्पतालमा राखिएको छ । उनीमाथि पैसा माग्न जाँदा चौधरीले गोली हानेको प्रहरीले जनाएको छ । घटनापछि चौधरीलाई प्रहरीले पेस्तोलसहित घरैबाट पक्राउ गरेको छ ।