जनकपुर । जनकपुरधाम उपमहानगरपालिकाका मेयरको गाडी दुरुपयोग भएको पाइएको छ ।
उपमहानगरपालिकाका मेयर लालकिसोर साहको सरकारी गाडी उहाँको अनुपस्थितीमा उहाँका परिवारका सदस्यले आफनो निजि प्रयोजनमा प्रयोग गर्ने गरिएको फेला परेको हो । मेयर साह अहिले अमेरिका भ्रमणमा रहनुभएको छ भने उहाँको गाडी अहिले छोराछोरीले निजि काममा प्रयोग गर्ने गरेका छन । यस विषयमा जनकपुरधाम उपमहानगरपालिका उपमेयर रिता झासंग प्रतिक्रिया लिन खोज्दा उहाँले केही बोल्न चाहनुभएन ।यस्तै उपमहानगरपालिकाले वडाध्यक्षहरुलाई दिएको अधिकांश मोटरसाईकल समेत उनीहरुका आफन्तहरुले प्रयोग गर्दे आएका छन ।
