लक्ष्मी मूर्ति बिसर्जन गर्ने विषयमा कपिलवस्तुको कृष्णनगरमा हिन्दु र मुसलमान पक्षबीच विवादका कारण झडप भएपछि स्थानीय प्रशासनले अनिश्चितकालीन कफ्र्यू आदेश जारी गरेको छ ।
कफ्र्यू आदेश उल्लंघन गर्ने माथि प्रहरीले गोली प्रहार गरेको छ । प्रहरीको गोली लागी स्थानीय कृष्णनगर नगरपालिका–२ सुरजकुमार पाण्डेको मृत्यु भएको छ । प्रशासनले बिहान ११ बजेदेखि अर्काे सूचना प्रकाशित नभएसम्मका लागि कृष्णनगर बजार क्षेत्रमा कफ्र्यू आदेश जारी गरेको छ। कफ्र्यू कृष्णनगर बजारको भन्सार कार्यालयको उत्तर ७०० मिटरदेखि, पश्चिम ७०० मिटर र पूर्व ३०० मिटर क्षेत्रमा लागु गरिएको छ । हिजो साँझ लक्ष्मी मूर्ति सेलाउने विषयमा विवाद पछि झडप भएको हो । झडप पछि १०–१२ वटा मूर्ति सेलाउन अझै बाँकी रहेको छ ।
