इलाम । इलाममा आज भएको मोटरसाइकल दुर्घटनामा एक प्रहरीको मृत्यु भएको छ । इलाम नगरपालिका ५ बरबोटेमा कार्यरत प्रहरी सहायक निरिक्षक रबि मगरको दुर्घटनामा मृत्यु भएको हो ।
को १ ब२२८८ नम्बरको मोटरसाइकलमा इलामको बरबोटेबाट सुम्बेकतर्फ जाँदै गर्दा छाँगेखोला भन्ने ठाउँमा दुर्घटनामा परी मगरको मृत्यु भएको जिल्ला प्रहरी कार्यालय इलामले जानकारी दिएको छ । सुम्बेकमा झगडा भएको घटना थाहा पाएर त्यसतर्फ जाँदै गरेका उनको भिरबाट मोटरसाइकल खसेर मृत्यु भएको जनाइएको छ । हिलो बाटो भएका कारण चिप्लिएर मोटरसाइकल झरेको वताइएको छ । प्रहरी सहायक निरिक्षक मगरको स्थायी घर इटहरी उपमहानगरपालिका १ सुनसरीमा रहेको छ । उनीसँगै मोटरसाइकलमा सवार रामसेवक मोचे घाइते भएका छन् । उनको हाल इलाम अस्पतालमा उपचार गराइरहेको छ । मोटरसाइकल कसले चलाएको थियो भन्नेबारे खुल्न सकेको छैन ।
