इरानको फाथ विमानस्थलमा ९ जना यात्रु बोकेको बोइङ ७०७ कार्गाे विमान दुर्घटना भएको छ । अधिकारीहरुले दुर्घटनाका बारे सबै विवरण नआएको र मानवीय क्षतिबारे सूचना प्राप्त नभएको बताएका छन । इरानको टेलिभिजन च्यानलहरुले विमानस्थलबाट धुँवाहरु आइरहेको भिडियो प्रशारण गरेको रोयटर्सले जनाएको छ । रोयटर्सले विमानमा ९ जना रहेको बताएपनि त्यसमा १० जना रहेको अनुमान गरिएको बताइएको छ । दुर्घटना लगत्तै उद्धारकर्मी परिचालन गरिएको बताइएको छ । दुर्घटनामा परेको कार्गाे विमान इरान वा अरु कुनै राष्ट्रको भएको पुष्टि नभएको बताइएको छ ।