विराटनगर महानगरपालिका आज बम विस्फोटन भएको छ । विराटनगर महानगरपालिकाका प्रमुख भीम पराजुलीको कार्यकक्ष अगाडि दिउँसो २ बजे बम विस्फोटन भएको हो । बिस्फोटनबाट कुनै पनि मानवीय क्षति नभएको प्रमुख पराजुलीले जानकारी दिनुभयो । पराजुलीको कार्यकक्ष अगाडि रहेको दराजभित्र राखिएको बम विस्फोट हुँदा दराजसहित वरिपरिको संरचना क्षतिग्रस्त भएको छ भने पराजुली सवार को १ झ ४ सय ९४ नम्बरको गाडी क्षतिग्रस्त भएको छ । घटना कसले र किन गराएको भन्ने अनुसन्धान भइरहेको प्रहरीले जानकारी दिइएको छ । बम बिस्फोटनपछि कर्मचारी र सेवाग्राहीबीच भागाभाग भएको थियो । शंकास्पद केही व्यक्तिलाई प्रक्राउ गरी अनुसन्धान सुरु गरिएको मोरङका प्रहरी प्रमुख एसपी मनोज केसीले जानकारी दिनुभयो । यसैबीच, घटनालाई लिएर महानगरपालिकाको नगर कार्यपालिकाको बैठकसमेत बसिरहेको छ ।