चिरप्रतिद्धन्द्धी म्यानचेस्टर युनाइटेडलाई हराउँदै लिभरपुल इंग्लिस प्रिमियर लिगको शीर्ष स्थानमा उक्लिएको छ । गएराति भएको खेलमा लिभरपुलले म्यानचेस्टर युनाइटेडलाई तीन–एक गोल अन्तरले हराएको हो । निकै रोमाञ्चक बनेको खेलमा लिभरपुलको जितमा जेर्दान साकिरीले दुई तथा साडियो मानेले एक गोल गरे । म्यान यु का लागि लिंगार्डले एक गोल गरे । जितसँगै लिभरपुलले म्यानचेस्टर सिटीलाई पछि पार्दै लिगको शीर्ष स्थानमा कब्जा जमाएको छ । १७ खेलमा सिटीको ४४ अंक छ भने लिभरपुलको ४५ अंक पुगेको छ । हारपछि युनाइटेड छैठांै स्थानमा यथावत छ ।
यसैविच, इंग्लिस प्रिमियर लिग फुटबलमा आर्सनल पराजित भएको छ । रेलिगेशन जोनमा रहेको साउथ ह्याम्पटनसँग पराजित भएको आर्सनलको तालिकामा अंक थप्ने योजना तुहिएको छ । आर्सनलविरुद्ध ३–२ गोलको जित निकालको साउथ ह्याम्पटन रेलिगेशन जोनबाट बाहिर आएको छ ।
