पूर्वपश्चिम राजमार्ग अन्तरगत सप्तरीको शम्भुनाथ नगरपालिका ८ स्थित राजमार्गमा बिग्रिराखिएको ट्रकमा मोटरसाइकल ठोक्किदा मोटरसाइकल चालकको मृत्यु भएको छ । बिग्रिराखेको लु. १ ख ७०६१ नं. को ट्रकमा पश्चिमबाट पूर्वतर्फ जादै गरेको स. १ प ९०५८ नं. को मोटरसाईकल गएराती ठोक्किदा चालकको मृत्यु भएको हो । मृत्यु हुनेमा जिल्लाको खडक नगरपालिका ७ बस्ने ३९ वर्षिय मो. एजाजुल हक रहेको प्रहरीले जनाएको छ । दुर्घटना पश्चात् गम्भिर घाइते भएका हकलाई सिरहाको लहानस्थित स्मारक अस्पताल लगिएको थियो । सोही अस्पतालमा उपचारको क्रममा उनको मृत्यु भएको जिल्ला प्रहरी कार्यालय सप्तरीले जनाएको छ ।