दाङ, ७ पुष । दाङको तलुसीपुर नगरपालिका ३ राम्री भन्ने ठाउँमा विद्यार्थी चढेको बस दुर्घटना हुँदा २३ जनाको मृत्यु भएको छ ।
घोराहीको कृष्णसेन इच्छुक पोलिटेक्निकल इन्ष्टिच्युटका विद्यार्र्थी बोटनीसम्बन्धी प्राक्टिकलको भ्रमणको लागि सल्यानको छायाक्षेत्र गई फिर्ता हुने क्रममा बा ४ ख ९७६६ नम्बरको बस सडकबाट अन्दाजी ७ सय मिटर तल खसी दुर्घटना भएको हो । दुर्घटनामा ११ जना घाइते भएका छन । घाइतेलाई उपचारका लागि राप्ती अञ्चल अस्पतालमा लगिएको जिल्ला प्रहरी कार्यालय दाङले जनाएको छ । दुर्घटनास्थलमा ३ महिला र १३ पुरुषको शव फेला परेको तथा ५ जनाको सनाखत भएको प्रहरीले जनाएको छ । बसमा ३४ जना विद्यार्र्थी,२ शिक्षक र एक जना चालक रहेका थिए ।
